Сунтаардааҕы оҕо бибилэтиэкэтигэр судаарыстыбаннай диэйэтэл, СӨ бастакы бэрэсидьиэнэ Михаил Ефимович Николаев төрөөбүт күнүгэр аналлаах бибилэтиэчинэй уруок ыытылынна. Кылаабынай бибилэтиэкэр М.Спирова үөрэнээччилэргэ Михаил Николаев оҕо сааһын, Эдьигээн оскуолатыгар үөрэммит сылларын, Омскай куоракка тыа хаһаайыстыбатын институтугар студеннаабытын кэпсээтэ. Үөрэнээччилэр Михаил Ефимович Николаев дойдутун уонна өрөспүүбүлүкэтин туһугар ис сүрэҕиттэн кыһаллар, киэҥ билиилээх-көрүүлээх, төрөөбүт дойдутугар бэриниилээх, үтүө суобастаах туруу үлэһит буоларын биллилэр. Уруок түмүгэр “Саха сирин бастакы бэрэсидьиэнэ М. Николаев” кинигэ быыстапкатын көрдүлэр.
