Сэбиэскэй,судаарыстыбаннай уонна партийнай деятель, Сибииргэ Сэбиэскэй былааһы олохтуур иһин охсуһуу кыттыылааҕа Максим Кирович Аммосов төрөөбүтэ 125 сылыгар аналлаах Сунтаардааҕы гимназия 5 кылааһын уонна Сунтаар В. Г. Павлов аатынан алын сүһүөх оскуолатын 4 «а» кылааһын үөрэнээччилэригэр «Саха чулуу уола Максим Аммосов» диэн бибилэтиэчинэй уруок ыытылынна.
Уруок Максим Аммосов оҕо сааһыттан, оскуолаҕа үөрэммит сылларыттан саҕаланна.
Саха норуотун чулуу уола Максим Аммосов Саха сирэ сайдарын туһугар эдэркээн сааһыттан үтүмэн үлэни ыыппытын, Саха автономиятын туруулаһан олохтоспутун туһунан оҕолор сэргээн, интэриэһиргээн иһиттилэр, видеопрезентация көрдүлэр.
Уруок түмүгэр Максим Аммосов туһунан кинигэлэри билистилэр, көрдүлэр.
Суруйда Сунтаардааҕы оҕо бибилэтиэкэтин кылаабынай бибилэтиэкэрэ Марфа Спирова
