Арассыыйа норуоттарын култууратын үйэлээх баайын, Саха АССР төрүттэммитэ 100 сылыгар, Саха сиригэр Ийэ, Сунтаар улууһугар Дьиэ кэргэн сылыгар аналлаах Г. Н. Саввинов аатынан култуура уонна сынньалаҥ пааркатыгар «Олоҥхо дойдутун ытык күнэ — Сунтаар уйгулаах ыһыаҕар» Сунтаардааҕы оҕо бибилэтиэкэтин үлэһиттэрэ «Ааҕыы — оонньуу түһүлгэтин» тэрийдилэр.
Оҕолорго аналлаах «Кинигэ эйгэтин устун айан» кинигэ быыстапката турда. Саха АССР 100 сылыгар аналлаах «Толкуйдаа.Тобул» тургутукка оҕолор көхтөөхтүк кытыннылар.
«Дорҕоонноохтук ааҕыы» күрэскэ оҕолор сахалыы остуоруйалартан, кэпсээннэртэн быһа тардыылары ааҕан иһитиннэрдилэр.
Сахалыы остуол оонньууларыгар бэйэлэрин сатабылларын көрдөрдүлэр.Олус интэриэстээхтик сэҥээрэн оонньоотулар.
Тэрээһиҥҥэ оҕолор элбэҕи биллилэр — көрдүлэр.
