Алтынньы 21 күнүгэр олохтоох “Долгун” радиоҕа буойун суруйааччы Тимофей Сметанин төрөөбүтэ 105 сылыгар аналлаах литературнай биэрии эфиргэ таҕыста. Биэриигэ Сунтаардааҕы оҕо бибилэтиэкэтин иһинэн үлэлиир “Татыйык” литературнай түмсүү оҕолоро, Сунтаар Владимир Павлов аатынан алын сүһүөх оскуолатын 2 “а” кылааһын үөрэнээччилэрэ (кыл.сал. Аммосова Л. С.) Тимофей Сметанин “Куоскалар уонна саһыл”, “Саллаат сүрэҕэ”, “Кырдьык иһин кыргыс”, “Дьөһөгөй оҕото” хоһооннору аахтылар.
