Сунтаар нэһилиэгэ 260 сылын туолар чэрчитинэн Н. М. Родионова аатынан Оҕо дьоҕурун сайыннарар киин иһинэн тэриллибит күһүҥҥү «Перезагрузка – 24» лааҕырга «Сунтаарым – мин дойдум» диэн «Бибилэтиэчинэй соһуччу (сюрприз) уруок» ыытылынна. Сүрүннүүр бибилэтиэкэр Спирова М. Е Сунтаар нэһилиэгэ быйыл 260 сылын туоларын туһунан кэпсээтэ, Сунтаарга хас киһи олорорун билиһиннэрдэ. Лааҕыр салайааччыта Лидочен Г. В. 1947 сыллаахха Сунтаар пионердара төрөөбүт кыраайдарын үөрэтээри сатыы нэһилиэктэринэн сылдьан баран тугу көрбүттэрин – билбиттэрин суруйбут, уруһуйдаабыт альбомнарын көрдөрдө. Бу пионердар оҥорбут альбомнарыгар тирэҕирэн 1950 сыллаахха И. Данилов «Сунтаар» диэн кинигэни таһаартарбыта. Бу кинигэни сүрүннүүр библиограф Иванова С. Д. оҕолорго билиһиннэрдэ. «Сунтаар» кинигэҕэ киирбит Сунтаар туһунан номоҕу куукуланан ойуулук устубутун лааҕыр оҕолоругар аан бастакытын көрдөрдө. Араас былаһааккалартан 1 №-дээх Сунтаар оскуолатыгар мустубут оҕолор «Соһуччу – сюрприз» тэрээһини олус сэргээтилэр уонна элбэҕи биллилэр.
