Сунтаардааҕы оҕо бибилэтиэкэтин үлэһиттэрэ Сунтаар санаторнай — интэринээт оскуолатын үөрэнээччилэригэр Төрөөбүт тыл уонна сурук — бичик күнүгэр аналлаах тэрээһин ыыттылар. Оҕолорго С. А. Новгородов туһунан уонна Төрөөбүт тыл, сурук — бичик туһунан бэсиэдэни библиограф Иванова С. Д. кэпсээтэ. Култуура бэтэрээнэ, СӨ култууратын туйгуна Николаева Дина Васильевна айар үлэтин билиһиннэрдэ. Оҕолор «Айылҕалыын алтыһыах» диэн оҕолорго анаан суруйбут хоһооннорун олус сэргээн иһиттилэр, боппуруостарга эппиэттээтилэр. Софрон Данилов «Сахалыы саҥарар иһин» диэн кэпсээнинэн куукуланан туруорууну көрдүлэр. Тэрээһиҥҥэ оҕолор хоһоон , үгэ аахтылар. Бибилэтиэкэрдэр Павлова Р. Н. уонна Тимофеева Л. А. тыл оонньууларын, таабырыннары таайтардылар, остуол оонньуутун оонньоттулар.
