Олоҥхо декадатын чэрчитинэн, Сунтаардааҕы оҕо бибилэтиэкэтин үлэһиттэрэ Сунтаар В.Г.Павлов аатынан алын сүһүөх оскуолатын 1 «г», «д», Сунтаар 1 №-дээх оскуолатын 2 кылааһын үөрэнээччилэригэр уонна Сунтаар санаторнай оскуола — интернат иитиллээччилэригэр «Олоҥхо дойдутугар айан» диэн бибилэтиэчинэй уруок ыыттылар.
Оҕолор олоҥхо туһунан бэсиэдэни бэрт сэргээн иһиттилэр. Бибилэтиэкэ үлэһиттэрэ Е.П.Чехордуна » Олоҥхо дойдута» кинигэтинэн куукуланан оонньоон көрдөрдүлэр.
«Олоҥхо дойдутугар» кинигэ быыстапката үөрэнээччилэр болҕомтолорун тарта. Түмүгэр оҕолор бэйэлэрэ олоҥхо кинигэлэрин сэргээн көрдүлэр.
Элбэх саҥаны биллилэр — көрдүлэр.
Суруйда кылаабынай бибилэтиэкэр Марфа Спирова.
