Сунтаар В. Г. Павлов аатынан алын сүһүөх оскуолатын 4 «а» кылааһын үөрэнээччилэригэр «Эбээлэрбит, эһээлэрбит аахпыт кинигэлэрэ» диэн бибилэтиэчинэй уруок ыытылынна.
Бибилэтиэкэр Марфа Спирова Аан дойдутааҕы аҕам саастаах дьон күнүн историятын, Саха Өрөспүүбүлүкэтигэр Ийэ күнүн, Россияҕа Аҕа күнэ бэлиэтэнэрин туһунан оҕолорго кэпсээтэ.
Үөрэнээччилэр кинигэ быыстапкатын олус интэриэһиргээн көрдүлэр.
Уолаттар А. Гайдар «Чук и Гек», «Тимур и его команда», Т. Сметанин «Егор Чээрин», С. Фёдоров «Сима Сергеев» кинигэлэрин олус сэргээн көрдүлэр, аахтылар.
