Ахсынньы 11 күнүгэр Сунтаардааҕы М. И. Герасимов аатынан санаторнай оскуола үөрэнээччилэригэр Сунтаардааҕы оҕо бибилэтиэкэтин үлэһиттэрэ “Остуоруйа алыптаах дойдутугар айан” диэн тэрээһин ыыттылар.
Былыр кыһыҥҥы тымныы уһун киэһэлэргэ үгэс курдук өбүгэлэрбит көмүлүөк тула олорон остуоруйалаһалларын, таабырыннаһалларын туһунан бибилэтиэкэ үлэһиттэрэ бэсиэдэ оҥордулар.
Ол кэннэ оҕолор А. Шадринова – Суоһааны суруйбут «Остуоруйа», К. И. Чуковскай “Сарыкынай сахсырҔа” диэн остуоруйаларынан туруоруллубут куукуланан ойуулуктары сэргээн көрдүлэр. Интерактивнай дуоскаҕа оҥоһуллубут “Остуоруйа дойдута” оонньуу – викторинаҕа уонна «Остуоруйа геройдара куукулаларынан” диэн ыйытыктарга олус көхтөөхтүк кытыннылар, оҕолор элбэх остуоруйаны аахпыттара, истибиттэрэ билиннэ. Тэрээһин түмүгэр бибилэтиэкэ үлэһиттэрэ минньигэс бириистэри түҥэтэн оҕолор өссө ордук үөрдүлэр.
Суруйда сүрүннүүр библиограф Иванова С.Д.
