Сунтаардааҕы «Туллукчаан» оҕо уһуйаанын кыра бөлөх иитиллээччилэрин төрөппүттэригэр «Театр кэрэ эйгэтэ» тиэмэлээх мунньахпыт оҕо бибилэтиэкэтигэр кииннээн буолан ааста. Кыра саастаах оҕо саҥатын сайдыытыгар тарбахтарын бытархай былчыҥнарын эрчийиигэ биир сүрүн болҕомтону ууруохха наадатын туһунан бэсиэдэттэн саҕаланна. Өр сылларга иитээччинэн үлэлээн кэлбит Ирина Ивановна бэлиэтии көрөрүнэн кэлиҥҥи кэмҥэ оҕолор саҥарар саҥалара мөлтөөбүтүн төрүөтүнэн гаджекка бүгэн олоруу, төрөппүт оҕотун кытта сэдэхтик ону тэҥэ ньуу — ньаа саҥаран кэпсэтиитэ, тарбах былчыҥнара ситэ сайдыбатаҕыттан кэккэ биричиинэ буолуон сөбүн туһунан ыйда.
Бибилэтиэкэр Лия Афанасьевна кыра бөлөх оҕолоругар тарбах төбөтүнээҕи былчыҥы, саҥарар саҥатын сайыннарыыга тыйаатыры оонньотуу саамай табыгастаах ньыма буоларын, тыйаатыр араас көрүҥүн туһунан кэпсээтэ. Остуол тыйаатырыттан тарбахха кэтэр остуоруйа араас дьоруойдарын оҥорорго маастар кылаас ыытта.
Түмүккэ «Куоска уонна кутуйах» остуоруйаны устарга, видеомонтаж оҥорон таҥарга иитээччи Анна Владимировна үөрэттэ, кистэлэҥ сүбэлэринэн үллэһиннэ. Төрөппүттэр оҥорбут илиигэ кэтиллэр куукулалара бөлөхпүт театр муннугун хаҥатыа.
Бу барыта, биллэн турар, оҕолор оонньуулларыгар, сайдалларыгар улахан көмө буолара саарбаҕа суох. Сонун, ураты тематическай мунньах буолан ааста.
«Туллукчаан» оҕо уһуйаанын иитээччитэ Анна Владимировна суруйда.
