Арассыыйаҕа Аҕа күнүн чэрчитинэн, алтынньы 17 күнүгэр Сунтаардааҕы оҕо бибилэтиэкэтигэр “Оҕону дьиэ кэргэҥҥэ иитии“ диэн истиҥ көрсүһүүгэ доруобуйа харыстабылын ветеран үлэһитэ, дьиэ кэргэн аҕата Рожин Константин Константинович ыалдьыттаата. Бу тэрээһиҥҥэ Сунтаар политехническай лицей 5 “а” кылааһын үөрэнээччилэрэ кыттыыны ыллылар. Константин Константинович оҕолорго күннээҕи режимтэн киһи доруобуйата, майгыта-сигилитэ ураты тутулуктааҕын эттэ. Маны таһынан табах, арыгы уонна да атын араас утахтар киһи доруобуйатыгар куһаҕаннык дьайалларын кэпсээтэ. Бу тэрээһинтэн үөрэнээччилэр олус элбэх туһалаах сүбэлэри иһиттилэр, Константин Константиновичка махтаннылар.
